У выхадныя ноччу на Незалежнасці працавала камера фіксацыі хуткасці: «трапіліся» дзясяткі байкераў
Мабільная камера, кажуць у ДАІ, будзе стаяць на галоўным праспекце сталіцы і ўсе восеньскія выхадныя, а таксама ўвесь наступны мотасезон — мера здаецца эфектыўнай.
— Камера фіксавала хуткасць ноччу з 27 на 28 і з 28 на 29 жніўня на сталічным праспекце Незалежнасці ў раёне скрыжавання з вуліцай Талбухіна. Атрыманыя дадзеныя яшчэ апрацоўваюцца, аднак ужо можна сказаць, што колькасць матацыклістаў-парушальнікаў, «якія трапілі на яе», вымяраецца дзясяткамі — не адным і нават не трыма, — распавялі ў ДАІ Мінска.
Усім гэтым людзям у найбліжэйшы час прыйдуць «лісты шчасця» за парушэнні.
У ДАІ разглядаюць магчымасць у найбліжэйшыя ж выходныя размясціць мабільныя камеры «на байкераў» і на іншых праблемных магістралях сталіцы — праспекце Пераможцаў, вуліцах Прытыцкага, Кальварыйскай, Маскоўскай.
— Такое рашэнне было прынята кіраўніцтвам ДАІ і горада па шматлікіх скаргах людзей, якія жывуць у гэтых раёнах горада, и для папярэджання аварый з удзелам матацыклістаў-«гоншчыкаў», — растлумачылі ў ДАІ.