Пітон тры гадзіны намагаўся выбрацца з кальца скінутай скуры ВІДЭА
Пітон па мянушцы Стымі падчас лінькі засеў ва ўласнай старой скуры. Відэа c «ураборасам» з'явілася на фэйсбук-старонцы Цэнтра рэптылій Аліс-Спрынгс у Аўстраліі.
Па дзіўнай выпадковасці змяя забралася ў сваю ж скуру, пры гэтым яе хвост бездакорна супаў з ротам. Беднаму Стымі нічога не заставалася, акрамя як поўзаць па крузе, здзіўляючы наведвальнікаў.
«На самой справе ён быў падобны на рулявое кола, — напісалі ў фэйсбуку прадстаўнікі цэнтра. — Мы даўно займаемся змеямі, але нічога падобнага раней не бачылі».
Пітон поўзаў па крузе на працягу трох гадзін. У выніку ён усё ж выбраўся вонкі, прарабіўшы невялікую адтуліну ў баку старой скуры. «Кола» пры гэтым засталося амаль цэлым і нават захавала сваю форму. «Стымі выглядае шыкоўна, толькі крыху агаломшаны сваім марафонам», — напісалі пазней супрацоўнікі цэнтра.
