Другакласнік і яго маці загінулі пры пажары ў Стаўбцоўскім раёне
Хлопчык 2007 года нараджэння і яго маці 1972 года нараджэння загінулі пры пажары ў вёсцы Цясновая 1 Стаўбцоўскага раёна, паведаміла прэс-сакратар Мінскага абласнога ўпраўлення МНС Крысціна Зайцава.
«Паведамленне аб пажары ў прыватным драўляным доме паступіла ў МНС 17 мая ў 1.19. Калі ратавальнікі прыбылі на месца здарэння, частка даху будынка абрынулася, дом гарэў адкрытым полымем. Пры разборцы канструкцый на ложку ў пакоі было знойдзена цела хлопчыка, на падлозе — цела жанчыны», — сказала Крысціна Зайцава.
Яна ўдакладніла, што пражывае ў доме грамадзянскі муж жанчыны падчас трагедыі знаходзіўся на працы.
Адна з версій прычыны пажару - неасцярожнае абыходжанне з агнём пры курэнні.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера