Як сёння выглядае хлопчык, якога 16 гадоў таму прааперавалі ва ўлонні маці
У 1999 годзе свет абляцела гісторыя цяжарнай амерыканкі, дзіця якой, як паказала УГД, павінна было нарадзіцца з дэфектам пазваночніка, з-за якога не змагло б ні хадзіць, ні сядзець. Хірургі ўзяліся зрабіць аперацыю і ліквідаваць заганы развіцця хрыбетніка ў малога, які знаходзіўся ў матчыным улонні.
Пад канец аперацыі з разрэзу з’явілася мініяцюрная дзіцячая ручка, якая сціснула палец хірурга. Гэты кранальны момант, зафіксаваны прысутным у аперацыйнай фатографам, і быў захаваны на здымку, які пад назвай «Рука надзеі» атрымаў вядомасць ва ўсім свеце, паведамляе justthefacts.org.
Аперацыя па ліквідацыі дэфекту прайшла паспяхова. Сёння Сэмюэлу Аляксандру Армасу, які нарадзіўся 2 снежня 1999 года, 16 гадоў.
Нягледзячы на некаторыя абмежаванні, якія абумоўлены пакінутымі праблемамі з хрыбетнікам, можна казаць пра тое, што інавацыйнае ўмяшанне хірургаў падаравала яму паўнавартаснае жыццё — Сэмюэль займаецца баскетболам і нават мае ўзнагароды.
