Эрдаган выказаў шкадаванне з-за збітага расійскага самалёта
Прэзідэнт Турцыі Рэджэп Таіпам Эрдаган выказаў шкадаванне пасля таго, як турэцкія ваенныя збілі расійскі самалёт Су-24. Пра гэта ў суботу паведамляе Associated Press.
AP
«Мы б хацелі, каб гэтага не адбылося, але гэта адбылося. Я спадзяюся, падобнае не паўторыцца зноў», — сказаў Эрдаган.
Ён дадаў, што абодва бакі павінны знайсці пазітыўны падыход да пытання.
Эрдаган сказаў, што хацеў бы сустрэцца з Уладзімірам Пуціным на кліматычным саміце ў Парыжы, які пройдзе на наступным тыдні. Ён лічыць, што сустрэча стане магчымасцю знізіць напружанасць у адносінах паміж краінамі.
Раней Эрдаган казаў, што турэцкія вайскоўцы не ведалі, што страляюць па расійскім самалёце.
«Строга ў рамках прынятых і абвешчаных намі раней правілаў рэагавання на пагрозы ў адносінах да яго было прадпрынята ўмяшанне», - казаў ён.
***
З пачатку кастрычніка расійскія самалёты некалькі разоў парушалі паветраную прастору Турцыі. Улады Турцыі асудзілі гэтыя факты, пасля чаго правялі з Мінабароны кансультацыі для прадухілення інцыдэнтаў у паветранай прасторы на турэцка-сірыйскай мяжы.
Прэм'ер краіны Ахмет Давутаглу 17 кастрычніка сказаў, што Турцыя будзе збіваць самалёты, якія ўрываюцца ў яе паветраную прастору.
