Улады Бельгіі: спіс джыхадыстаў, якія знаходзяцца ў вышуку, расце
У Бельгіі другі дзень захоўваецца павышаны ўзровень тэрарыстычнай пагрозы. Па словах міністра ўнутраных спраў Яна Жамбон, у спісе на вышук ёсць асобы, якіх бельгійскія спецслужбы падазраюць у падрыхтоўцы новых нападаў.
Раней паведамлялася, што вядуцца пошукі Салаха Абдэслама, падазраванага ў нападах на французскую сталіцу 13 лістапада. Па словах бельгійскіх уладаў, усе, каго яны шукаюць, узброеныя і вельмі небяспечныя.
Прэм'ер-міністр Бельгіі Шарль Мішэль паведаміў, што ўрад «валодае дакладнай інфармацыяй пра тое, што некалькі чалавек, узброеных выбухоўкай і агнястрэльнай зброяй, могуць здзейсніць напад, магчыма адразу ў некалькіх месцах».
У інтэрв'ю тэлеканалу VRT ён паведаміў, што небяспека не абмяжоўваецца адным Абдэсламам. Пакуль незразумела, ці звязаныя з ім іншыя людзі, што знаходзяцца ў вышуку, ці ж яны дзейнічаюць самастойна.
