Украіна спыніла перамовы пра аднаўленне авіязносін з РФ

Дзяржавіяцыя гатовая да перамоваў, калі іх ініцыюе расійскі бок.

Украіна спыніла перамовы з Расіяй аб аднаўленні авіязносін. Такую выснову можна зрабіць з гутаркі міністра інфраструктуры Андрэя Піваварскага з журналістамі, якая ўчора адбылася ў Міністэрстве інфраструктуры Украіны.

«Калі яны (Расія) захочуць правесці тэхнічныя кансультацыі і будуць гатовыя абмяркоўваць, то мы будзем гатовыя сустрэцца і пагаварыць. Але на ультыматумы ніякія мы не пойдзем. Калі яны захочуць пагутарыць, Дзяржавіяслужба гатовая сустрэцца», - заявіў Піваварскі.

Палёты з Украіны ў Расію былі спыненыя 25 кастрычніка.

Па словах Піваварскага, з моманту спынення авіязносін чыгуначны трафік і трафік праз аэрапорты Беларусі і Малдовы з Украіны ў Расію вырас неістотна.

rbc.ua

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0