Рэдактарка TUT.BY Марына Золатава — Давыдзьку: Гэта несур'ёзна
«Наша Ніва» узяла каментарый у Марыны Золатавай што да крытыкі Генадзя Давыдзькі ў адрас TUT.BY.
Рэдактарка TUT.by Марына Золатава. Фота са старонкі ў Facebook
«Домыслы пра тое, што мы спрабуем неяк расхістаць сітуацыю ў краіне перад выбарамі проста несур'ёзныя, — сказала «Нашай Ніве» Марына Золатава, каментуючы выпады Давыдзькі. — Нашая мэта — інфармаваць людзей. І калі выходзіць нейкі рэйтынг, на які арыентуецца сусветная супольнасць і там згаданая Беларусь, то мы абавязаны пра гэта расказаць. Мы не даём ніякіх палітычных адзнак, не робім высноваў. Хай людзі самі думаюць. І я перакананая, што частка тых чытачоў, што бачылі рэйтынг, увогуле з ім не пагадзілася».
Абурэнне старшыні Белтэлерадыёкампаніі выклікаў міжнародны рэйтынг ад Institute for Economics and Peacе, размешчаны на сайце TUT.BY, дзе Беларусь заняла 110 месца сярод краін свету па ўзроўні мірнага і спакойнага жыцця.