Расійскі рубель расце на фоне паведамленняў аб інтэрвенцыях ЦБ

Курс даляра разлікамі «заўтра» на адкрыцці таргоў на Маскоўскай біржы знізіўся на 1,24 рубля да 53,05 рубля, еўра згубіў 2,5 рубля і склаў 65,03 рубля.

Раней у пятніцу Цэнтрабанк Расіі паведаміў аб валютных інтэрвенцыях, якія рэгулятар правёў 3 снежня, калі курсы даляра і еўра чарговы раз абнавілі гістарычныя максімумы — 54,91 рубля і 67,9 рубля адпаведна. Паводле звестак Банка Расіі, у рамках інтэрвенцый было прададзена валюты на 101 млрд 150 млн рублёў.

З 10 лістапада Цэнтрабанк адмяніў рэгулярныя інтэрвенцыі і калідор бівалютнага кошыка, пакінуўшы за сабой права выходзіць на рынак з інтэрвенцыямі для падтрымкі курсу рубля. У панядзелак ЦБ прадаў валюты на 700 млн даляраў у рамках інтэрвенцый.

0

0

0

0

0

0