«Джон Уік» знікнуў з расійскага кінапракату
Фільм «Джон Уік» з Кіяну Рыўзам у галоўнай ролі знікнуў з кінатэатраў Расіі ў дзень прэм'еры, 4 снежня, паведамляюць расійскія СМІ.
Кіяну Рыўз у ролі Джона Уіка
Афіцыйнай прычыны знікнення не называецца. З'явіліся розныя тэорыі: фільм мог быць забаронены ды ўнесены ў «чорны спіс», яго старт мог быць перанесены ў сувязі з фінансавымі праблемамі дыстрыб'ютара ці праз канфлікт з праваўладальнікам.
Стужка не ўтрымлівае экстраардынарнага гвалту ці палітычных заклікаў, таму версія з «чорным спісам» малаверагодная.
Трывогу забілі ў Яраслаўлі і Іжэўску, але ў афішы маскоўскіх кінатэатраў фільм яшчэ пазначаны на 5 снежня.
У Беларусі фільм паспяхова стартаваў 4 снежня, далейшыя паказы не адмяняліся.
Паводле неафіцыйнай версіі, фільм вернецца ў расійскі пракат 18 снежня.
