У Мінску з’явіцца «Санкт-Пецярбургскі квартал» і расійскія забудоўшчыкі
У рамках пагаднення паміж Міністэрствам архітэктуры і будаўніцтва Беларусі і Мінбудам Расійскай Федэрацыі плануецца ажыццявіць сіметрычнае ўзвядзенне «Беларускага квартала» у Пецярбургу і «Санкт-Пецярбургскага квартала» ў Мінску.
Падпісанне пагаднення звязана з рэалізацыяй дамовы аб стварэнні Еўразійскага эканамічнага саюза Расіі, Беларусі і Казахстана, якая ўступае ў сілу са студзеня 2015 года.
Як распавёў міністр архітэктуры і будаўніцтва Беларусі Анатоль Чорны, рэалізацыя праектаў можа стартаваць ужо ў будучым годзе.
Па словах Чорнага, перамовы па адначасовым ўзвядзенню «Беларускага квартала» у Пецярбургу і «Санкт-Пецярбургскага квартала» у беларускай сталіцы ідуць не першы год.
Беларускія фірмы ўсё больш актыўна ўкараняюцца на расійскі рынак нерухомасці. Падобныя праекты на дадзены момант рэалізоўваюцца ў Смаленску і Калінінградзе.
У ведамствах суседніх краін спадзяюцца, што будаўнічыя праекты дазволяць прадэманстраваць каларыт кожнай дзяржавы, свае метады будаўніцтва і праектавання.
Як адзначыў міністр будаўніцтва і ЖКГ РФ Міхаіл Мень, прыход беларускіх кампаній на расійскі рынак ўзмоцніць канкурэнцыю і паспрыяе стрымліванню коштаў на нерухомасць.
Беларускі калега міністра дадаў, што забудоўшчыкі з Расіі змогуць бесперашкодна працаваць у Беларусі.
