Як Давыдзька аплачваў інтэрнэт, але заплаціў за чужы «Велком»
Старшыня Белтэлерадыёкампаніі Генадзь Давыдзька расказаў у эфіры БТ пра свае ўзаемаадносіны з найноўшымі тэхналогіямі.
«Зусім нядаўна я аплачваў інтэрнэт, — падзяліўся гісторыяй Генадзь Давыдзька ў «Клубе рэдактараў». — Я прыйшоў з карткай да інфакіёска. Прызнаюся, ганьба, але з першага разу не атрымалася. Я аплаціў не тое і не туды. Я аплаціў увогуле «Велком» і іншы тэлефон чужога чалавека. Аказваецца, мне трэба было па-іншаму і зусім іншае. Я тады зайшоў у банк, кажу: «Дапамажыце!» А яны адказваюць: «Мы больш такія паслугі не аказваем, вось інфакіёск». Я, чырванею, бляднею… У мяне атрымалася. Я шчаслівы, я ведаю запаветнае слова «сім-сім, адкрыйся».
«Вось месяц прайшоў, мне зноў ісці аплачваць, і я зноў буду чухаць патыліцу», — падзяліўся ён.
* * *
Князь Вітаўт з Калымы. Гісторыя поспеху (ці падзення) Генадзя Давыдзькі
