Больш за дзве траціны расіянаў не пусцілі б сваіх сыноў ваяваць на ўсход Украіны
Амаль 70% расіянаў не пусцілі б сваіх сыноў, калі б тыя заявілі аб жаданні адправіцца ў Данецкую і Луганскую вобласці ваяваць на баку сепаратыстаў. Гэта вынікае з дадзеных сацыялагічнага апытання, апублікаваных на сайце Левада-цэнтра ў панядзелак, 11 лістапада.
На пытанне, сфармуляванае як «калі б ваш сын вырашыў паехаць ваяваць на баку апалчэнцаў на ўсход Украіны, як бы вы гэтага паставіліся?» 68% рэспандэнтаў адказалі, што паспрабавалі б іх адгаварыць. І толькі кожны восьмы падтрымаў бы такое рашэнне сваіх дзяцей.
Толькі 12%, па дадзеных гэтага апытання, не вераць у тое, што расійскія вайскоўцы гінуць на тэрыторыі Украіны, а 41% з апытаных заявіў, што станоўча ставіцца да дзейнасці грамадскіх арганізацый, што складаюць спісы загінулых салдат і афіцэраў.
«Мы павінны ведаць праўду аб гібелі расійскіх вайскоўцаў, ці звязаная яна з ваеннымі дзеяннямі на ўсходзе Украіны», — адказалі яны. І толькі 9% палічылі такую працу «антырасійскай дзейнасцю».