Памёр Рэне Буры — фатограф, які зрабіў знакамітыя фатаздымкі Пікаса і Чэ Гевары
Швейцарскі фатограф Рэнэ Буры, аўтар знакамітых фатаздымкаў Чэ Гевары і Пабла Пікаса, памёр ва ўзросце 81 года.
Буры з 1955 года працаваў у адным з найстарэйшых фотаагенцтваў, Magnum, яго настаўнікам быў мэтр французскай фатаграфіі Анры Карцье-Брэсон.
Кар'ера будучага фотакарэспандэнта пачалася ў 13 гадоў, калі пачатковец-фатограф зрабіў здымак тагачаснага прэм'ер-міністра Вялікабрытаніі Уінстана Чэрчыля, які прыбыў з візітам у Швейцарыю.
«Ён не толькі быў адным з выбітных пасляваенных фатографаў, ён быў яшчэ адным з найлагодных людзей, з якімі мне пашчасціла сустрэцца ў жыцці», — сказаў прэзідэнт фотаагенцтва Magnum Марцін Пар.
Сярод знакамітых работ Буры — фатаграфія Чэ Гевары з цыгарай, кубінскага лідара Фідэля Кастра, іспанскага мастака Пабла Пікаса, французскага архітэктара Ле Карбюзье.
