На новай форме зборнай Беларусі па футболе прозвішчы напісаныя па-беларуску
Прадстаўніца кампаніі Adidas Вольга расказала аб новай форме нацыянальнай зборнай Беларусі.
«Хлопцы прадстаўляюць Белую Русь, таму вырашылі абраць асноўным колерам белы. Зрэшты, на футболцы ёсць устаўкі чырвонага і зялёнага колераў – такім чынам мы прадставілі ўсё колеравую гаму беларускага сцяга.
Памянялася і сістэма напісання прозвішчаў футбалістаў – цяпер на спінах будуць беларускамоўныя варыянты перакладу (Kalachou, Bardachou). Асобна варта ўзгадаць і спецыяльную сістэму тэрмаізаляцыі, якая робіць форму максімальна зручнай для футбалістаў».
Нагадаем, што 9 і 12 кастрычніка зборная Беларусі па футболе правядзе два адборачных матча да Чэмпіянату Еўропы. Супернікі – Украіна і Славакія. Матчы адбудуцца на «Барысаў-Арэне». Пачатак а 21:45.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера