Пентагон адрокся паставак зброі ва Украіну
Кіраўнік Пентагона Чак Хейгел абверг інфармацыю аб сакрэтных пастаўках зброі ва Украіну. Такую заяву, як паведамляе Reuters, ён зрабіў у панядзелак, 8 верасня, у ходзе візіту ў Турцыю.
Хейгел адзначыў, што яму невядома пра якую-небудзь «сакрэтную ўгоду аб пастаўках зброі ва Украіну, якая нібыта была складзеная [на саміце НАТА] ва Уэльсе».
Кіраўнік Пентагона таксама выказаў надзею на захаванне рэжыму спынення агню і падкрэсліў, што ваеннага шляху вырашэння канфлікту на ўсходзе Украіны няма. «Гэта сказаў прэзідэнт Абама. Гэта сказалі нашы еўрапейскія саюзнікі. Урэгуляванне гэтай праблемы павінна быць палітычным», — заявіў Хейгел.
У нядзелю, 7 верасня, дарадца прэзідэнта Украіны Юрый Луцэнка паведаміў пра тое, што на саміце НАТО была дасягнутая дамоўленасць аб пастаўках зброі з Польшчы, ЗША, Францыі, Нарвегіі і Італіі. Потым Польшча, Італія і Нарвегія абверглі гэту інфармацыю.
