Баевікі абстралялі з «Градаў» сяло Пераможнае пад Луганскам. Шматлікія чалавечыя ахвяры
Населены пункт Пераможнае пад Луганскам (Украіна) быў абстраляны баевікамі, ёсць шмат ахвяраў.
Пра гэта паведаміў кіраўнік прэс-цэнтра аператыўнага камандавання «Поўнач» падпалкоўнік Анатоль Прошын.
«Баевікі абстралялі населены пункт Пераможнае з 13 да 14 гадзін з боку пункта Сямейкіна і Краснадона», — сказаў ён.
«Яны нанеслі масіраваны ракетна-артылерыйскі ўдар. Па ўскраінах з абодвух бакоў вёскі. Маюцца шматлікія чалавечыя ахвяры. Лічбы цяпер удакладняюцца», — дадаў Прошын.
На ўдакладняючае пытанне, чым менавіта абстрэльвалі населены пункт, ён адказаў, што з «Градаў».
Прошын выказаў здагадку, што баевікі маглі планаваць удар па байцах у аэрапорце Луганска, што знаходзіцца крыху на поўнач ад вёскі, але трапілі па Пераможным.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера