Наваросія «выбрала» сабе імперскі сцяг ФОТА
Спікер парламента г.зв. Наваросіі (саюза самаабвешчаных Данецкай і Луганскай народных рэспублік) Алег Цароў прадставіў яе новы сцяг.
На прэс-канферэнцыі ён паказаў палотнішча, якое складаецца з палос чорнага, залатога і белага колераў і капіруе сцяг Расійскай імперыі.
«Рэспубліка створана на землях, якія ўваходзілі ў Расійскую імперыю, калі існавала царская Расія і людзі выйшлі на рэферэндум за права быць далучанымі да рускага свету. З гэтай прычыны камісія спынілася на варыянце, які звязаны з сцягам Расійскай імперыі», — растлумачыў выбар дзяржаўнага сімвала Цароў.
Конкурс на стварэнне дзяржаўных сімвалаў Наваросіі быў абвешчаны ў канцы чэрвеня. Аб стварэнні Наваросіі і прыняцці адзінай канстытуцыі на яе тэрыторыі кіраўніцтва г. зв.Данецкай і Луганскай народных рэспублік абвясціла 24 чэрвеня. Кандыдатура Алега Царова была зацверджана на пасадзе спікера парламента.
