Лукашэнка склікае заўтра пазачарговую сесію савета рэспублікі
Аляксандр Лукашэнка даручыў склікаць 14 жніўня ў Мінску пятую пазачарговую сесію савета рэспублікі нацыянальнага сходу.
Гэта прадугледжана ўказам ад 11 жніўня 2014 №409, апублікавання сёння на нацыянальна-прававым партале, паведамляе БелТА.
У дакуменце пазначана, што пазачарговая сесія склікаецца «для вырашэння пытання аб даванні згоды на ажыццяўленне крымінальнага пераследу ў дачыненні да члена савета рэспублікі нацыянальнага сходу Рэспублікі Беларусь і разгляду пры неабходнасці іншых пытанняў».
Гэты ўказ уступае ў сілу з дня яго падпісання. Імя члена савета рэспублікі не называецца,
Зазначым, што раней паведамлялася, што член савета рэспублікі і магілёўскі бізнэсмэн Віталь Кастагораў нібыта быў затрыманы супрацоўнікамі праваахоўных органаў проста на пасяджэнні і пазбаўлены недатыкальнасці.
Згодна з законам, пазбавіць недатыкальнасці члена Савета Рэспублікі можна толькі са згоды астатніх сенатараў, за выключэннем выпадкаў здзяйснення здрады дзяржаве або iншага асаблiва цяжкага злачынства, а таксама затрымання на месцы ўчынення злачынства.
Па словах крыніцы, Кастагораў быў затрыманы проста на пасяджэнні верхняй палаты парламента, якое праходзіла ў канцы чэрвеня. Члены савета рэспублікі большасцю галасоў пазбавілі сенатара недатыкальнасці.
У Следчым камітэце і КДБ не змаглі пацвердзіць або абвергнуць інфармацыю аб яго затрыманні.
