Кучма: Гуманітарная дапамога Расіі Украіне ўзгоднена, даставяць таксама грузы ад ЕС і ЗША
Гуманітарная дапамога Луганску, накіраваная Расіяй пад эгідай Міжнароднага Камітэта Чырвонага Крыжа (МКЧК), перасячэ ўкраінска-расійскую мяжу ў Харкаўскай вобласці, паведаміў агенцтву «Інтэрфакс-Украіна» ў аўторак былы прэзідэнт Украіны Леанід Кучма.
«На пасяджэнні кантактнай групы ў панядзелак было вырашана, што гуманітарная дапамога пройдзе праз Харкаўскую вобласьць, маршрут да Луганска таксама вызначаны», — сказаў ён.
Л.Кучма падкрэсліў, што «дапамога будзе ажыццяўляцца пад эгідай Міжнароднага Чырвонага Крыжа, а калона — суправаджацца прадстаўнікамі АБСЕ».
Пасяджэнне кантактнай групы ў панядзелак прайшло ў фармаце тэлемоста, у ім прынялі ўдзел прадстаўнікі «ДНР», у той час, як «ЛНР» на пасяджэнні прадстаўлена не была. «Відаць, яны не зацікаўленыя ў атрыманні гэтай дапамогі», - сказаў Л.Кучма.
Ён таксама адзначыў, што ў Луганск будуць дастаўлены не толькі расійскія грузы, але таксама «дапамога Украіны, ЕС і ЗША».
«Вельмі важна размеркаванне гэтай дапамогі — перш за ўсё, яе павінны атрымаць бальніцы, дзіцячыя сады, інтэрнаты, іншыя людзі, што маюць патрэбу. Ніводны грам не павінны атрымаць баевікі», — падкрэсліў Л.Кучма, адзначыўшы, што працэсам размеркавання дапамогі будуць займацца прадстаўнікі МКЧК.
