Прагноз надвор'я на 3 жніўня: чырвоны ўзровень небяспекі і +36
У Беларусі 3 жніўня чакаецца малая воблачнасць, пераважна без ападкаў, паведамілі ў Рэспубліканскім гідраметэацэнтры.
Вецер прагназуецца паўднёва-ўсходні, усходні слабы да ўмеранага. Тэмпература паветра ўначы складзе плюс 14—21 градус, днём — ад 31 да 36 градусаў вышэй за нуль.
Такі характар надвор'я адпавядае чырвонаму ўзроўню небяспекі. Абвешчана папярэджанне пра небяспечную метэаралагічную з'яву.
Таксама сіноптыкі папярэджваюць, што на большай частцы тэрыторыі Беларусі назіраецца высокая пажаранебяспека.
У сувязі з анамальнай спякотай ратавальнікі Мінскай вобласці нагадваюць, што грамадзянам і юрыдычным асобам забаронена знаходзіцца ў лясах Бярэзінскага, Валожынскага, Любанскага, Слуцкага, Смалявіцкага, Салігорскага, Старадарожскага, Стаўбцоўскага, Уздзенскага і Чэрвеньскага раёнаў. Азначанае абмежаванне ўстаноўлена рашэннямі мясцовых выканаўчых і распарадчых органаў. «У пажаранебяспечны перыяд развядзенне вогнішчаў у лясах і на тарфяніках забараняецца», - падкрэслілі ў МНС.
