Стралкоў (Гіркін): Бабай дэзертаваў

Верхавод данецкіх тэрарыстаў Ігар Стралкоў (Гіркін) прызнаў дэзерцірства вялікай групы «казакаў», у тым ліку і Аляксандра Мажаева — барадатага баевіка, вядомага як Бабай.

Пра гэта піша Lenta.ru са спасылкай на крыніцы ў асяроддзі баявікоў.

«Казакі» пакінулі шэрагі апалчэння пасля пакідання Краматорска (гэта адбылося 5 ліпеня). «Спачатку яны адмовіліся выканаць загад і адправіцца на Данецк, а потым раптам усе разам сарваліся і «знайшліся: ужо на самай мяжы», — расказаў палкоўнік ФСБ Гіркін.

Каларытны Бабай стаў вядомы па шматлікіх інтэрв'ю, у якіх ён абяцаў захоп Кіева.

СГ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0