У Добрушы аўтамабіль «ГАЗ» сарваўся з моста і зваліўся на прыпаркаваны ўнізе трактар

У Добрушы 11 ліпеня аўтамабіль «ГАЗ-2705» сарваўся з моста цераз раку Іпуць. 

Як паведамляе УДАІ УУС Гомельскага аблвыканкама, 26-гадовы кіроўца з-за няправільна выбранай хуткасці не справіўся з кіраваннем аўтамабіля, які зляцеў з моста і ўпаў на прыпаркаваны ўнізе трактар «ДТ-75», пасля чаго ўдарыўся аб жалезабетонную канструкцыю моста. 

Вадзіцель аўтамабіля атрымаў цялесныя пашкоджанні і шпіталізаваны ў хірургічнае аддзяленне мясцовай бальніцы.

БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0