Лукашэнка: Ніякай вайны ва Украіне няма, ёсць непрыстойныя палітыкі
Ніякай вайны народаў ва Украіне няма, ёсць непрыстойныя палітыкі. Пра гэта заявіў сёння Аляксандр Лукашэнка на цырымоніі адкрыцця XXIII Міжнароднага фестывалю мастацтваў «Славянскі базар у Віцебску», паведамляе БелТА.
Гэтая частка выступу кіраўніка дзяржавы была вельмі эмацыйнай.
«Ніякай вайны народаў сёння няма. Не ваюе ва Украіне народ з народам, з беларусамі, рускімі і гэтак далей, і нават з украінцамі. Ёсць нягодныя, непрыстойныя палітыкі, якія калісьці недаацанілі гэта адзінства, важнасць гэтага адзінства. З'явілася расколіна, а ў гэтую трэшчыну пралезлі нашы праціўнікі і ворагі», — сказаў Лукашэнка.
«І яны сёння спіхваюць народы. Яны спрабуюць распаліць братазабойчую вайну і ў гэтую варонку, у гэты вір уцягнуць галоўнае ядро славянства — рускіх, беларусаў і ўкраінцаў», — адзначыў ён.
Аляксандр Лукашэнка падкрэсліў, што гэтага нельга дапусціць. На яго думку, фестываль «Славянскі базар у Віцебску» з'яўляецца апорай і закладам адзінства славянскіх народаў.
«Успамінаю часы маладосці, — працягнуў беларускі лідар. — Многія тады і мы, можа быць, не разумелі, наколькі важна гэта зерне — «Славянскі базар» — у адзінстве не толькі славянскіх народаў, але і народаў наогул. Усё, здавалася, будзе бясхмарна, добра, якое там славянскае адзінства — сам сабой зразумелы факт! так павінна быць, так было заўсёды!
Нядаўна ваявалі разам, разам паміралі ў адных акопах, па адзін бок барыкад. Хто б мог падумаць, што сёння мы будзем казаць пра некалькі іншае».
