Найти
08.05.2020 / 02:353РусŁacБел

«Академкнига» предлагает: новинки белорусских издательств

Магазин «Академическая книга» (пр.Независимости, 72).

Янка Купала. Выбраныя творы

«Лімарыус», 2020.

Кніга выбраных твораў Янкі Купалы мае мэтай прадставіць чытачу нечаканага класіка ў сучасным прачытанні. Выданне дапоўнена літаратуразнаўчымі каментарамі да кожнага твора, кароткім летапісам жыцця і творчасці, мемуарнымі сведчаннямі, невядомымі крытычнымі артыкуламі. 

Выданне адрасавана школьнікам, студэнтам, выкладчыкам беларускай літаратуры. 

Укладальніца — Ганна Севярынец.

 

Уладзімір Караткевіч. Беларуская песня: 100 вершаў. 

«Мастацкая літаратура», 2020.

У кнігу класіка ўвайшло 100 выбраных твораў, многія з якіх папоўнілі залаты фонд беларускай культуры і вывучаюцца ў школе. 

Укладальнік — Віктар Шніп.

 

Кандрат Крапіва. Шлях да неўміручасці: успаміны, эсэ

«Мастацкая літаратура», 2020.

Чарговая кніга серыі «Жыццё знакамітых людзей Беларусі» прысвечана памяці Кандрата Крапівы. Выданне ўкладзена яго ўнучкай. кандыдатам мастацтвазнаўства Аленай Атраховіч.

У кнізе змешчаны ўспаміны блізкіх Кандрата Крапівы, а таксама тых, хто даследаваў яго творчы і жыццёвы шлях. У выданні адлюстраваны малавядомыя факты, старонкі радаводу, раскрыта творчая лабараторыя пісьменніка.

 

Францыск Скарына ў дакументах і сведчаннях

«Беларуская навука», 2020.

Выданне змяшчае ўсе вядомыя на сёння дакументы і матэрыялы, якія асвятляюць жыццё і дзейнасць беларускага першадрукара Францыска Скарыны і яго сям’і за 1492— 1605 гады. Выданне ўтрымлівае дакументы і сведчанні з архіваў Рыма, Ватыкана, Падуі, Берліна, Магдэбурга, Прагі, Тршэбані, Варшавы, Кракава, Познані, Масквы, Вільні, Рыгі.

Адрасуецца спецыялістам, а таксама ўсім, хто цікавіцца гісторыяй Беларусі, лёсам і творчасцю вялікага Палачаніна.

Укладальнік — Алесь Жлутка. 

Крэва: гісторыя, археалогія, культурная спадчына

«Беларуская навука», 2020.

Змешчаныя ў зборніку матэрыялы тычацца праблем балта-славянскіх кантактаў, гісторыі Крэўскага замка і мястэчка ў перыяд позняга Сярэднявечча і ранняга Новага часу, падзей Першай сусветнай вайны ў Крэве, гісторыі мястэчка ў міжваенны перыяд; асобна прадстаўлены матэрыялы, звязаныя з князем Даўмонтам. 

Укладальнік — Алег Дзярновіч.

 

Філаматы і філарэты: творчы лёс пакалення ў гісторыі і сучаснасці

«Беларуская навука», 2020.

У зборнік уключаныя даклады ўдзельнікаў міжнародных навуковых чытанняў «Філаматы і філарэты: творчы лёс пакалення ў гісторыі і сучаснасці (да 200-годдзя ўтварэння таварыства)», якія адбыліся ў 2017 годзе.

Укладальнікі — Ігар Капылоў, Ірына Багдановіч.

Зборнік разлічаны на шырокае кола чытачоў.

 

Тафсіры, кітабы і хамаілы з прыватных кнігазбораў Беларусі

«Беларуская навука», 2020.

У час навуковых экспедыцый 2016—2018 г. былі выяўлены звыш двухсот беларуска-татарскіх рукапісаў XVII—XXI стст., што знаходзяцца ў прыватным уладанні на тэрыторыі Беларусі. Зроблены іх электронныя копіі, на падставе якіх апісваюцца дваццаць восем найбольш каштоўных дакументаў: два тафсіры, пятнаццаць кітабаў, дзесяць хамаілаў і рукапіс пад умоўнай назвай «Асновы веры».

Укладальнік — Міхаіл Тарэлка.

Набыць гэта ды іншыя новыя выданні і бестселеры можна ў кнігарні «Акадэмічная кніга» (пр. Незалежнасці, 72).

 РУП «Акадэмічная кніга» УНП 101462648

NN.by

Хочешь поделиться важной информацией
анонимно и конфиденциально?

Клас
Панылы сорам
Ха-ха
Ого
Сумна
Абуральна
Чтобы оставить комментарий, пожалуйста, включите JavaScript в настройках вашего браузера
Чтобы воспользоваться календарем, пожалуйста, включите JavaScript в настройках вашего браузера