Найти
05.05.2020 / 15:501РусŁacБел

В интернете идет сбор подписи за белорусский язык в ЕРИП

На плятфоме Petitions.by збіраюць подпісы з патрабаваньнем забясьпечыць роўны доступ да фінасавых паслуг для беларускамоўных грамадзянаў. Дакумэнт будзе накіраваны на разгляд у Савет Міністраў і Палату прадстаўнікоў Нацыянальнага сходу, перадае «Радыё Свабода». 

Аўтары пэтыцыі наракаюць, што сёньня адсутнічае магчымасьць доступу беларускамоўных грамадзянаў да паслуг Адзінай разьліковай і інфармацыйнай прасторы (АРІП) на дзяржаўнай беларускай мове.

У адпаведнасьці з артыкулам 17 Канстытуцыі Рэспублікі Беларусь, дзяржаўнымі мовамі зьяўляюцца беларуская і расейская. Аднак створаная ў краіне сыстэма АРІП не прадугледжвае адначасовай наяўнасьці дзьвюх моваў у дамоўных адносінах.

Мэта кампаніі:

  • На заканадаўчым узроўні ўрэгуляваць мэханізм рэалізацыі канстытуцыйнага права на свабодны выбар дзяржаўнай мовы зносінаў пры атрыманьні фінансавых паслугаў.
  • Замацаваць патрабаваньне пра адначасовае абавязковае падаваньне інфармацыі спажыўцу на дзьвюх дзяржаўных мовах.
  • Надзяліць ААТ «НКФА «АРІП» правам абавязаць вытворцаў паслуг ажыцьцяўляць адначасовую перадачу інфармацыi на дзьвюх мовах для магчымасьці далейшай яе перадачы на дзяржаўнай мове, выбранай спажыўцамі фінансавых паслуг.

Цяпер для прыёму платы ў розных каналах аказаньня паслуг (разьлікова-касавыя цэнтры, інфакіёскі, у тым ліку з функцыяй cash-in, інтэрнэт- і мабільны банкінг і г. д.) банкi выкарыстоўваюць інфармацыю з аўтаматызаванай сыстэмы АІС «Разьлік». Яна выконвае ролю інфармацыйнага пасярэдніка ў перадачы банкам патрабаваньняў на аплату паслуг ад вытворцаў.

Далучаныя да сыстэмы больш чым 18,5 тысячы вытворцаў перадаюць у АІС «Разьлік» патрабаваньнi выключна на расейскай мове. Акрамя таго, сцэнары аплаты і вокны дыялёгаў, падказкі і дадатковыя зьвесткі для платнікаў падаюцца таксама толькі па-расейску.

Паводле адказу ААТ «Нябанкаўская крэдытна-фінансавая арганізацыя «АРІП», рэалізацыя інфармацыйнага ўзаемадзеяньня адначасова на дзьвюх мовах магчымая пры ўмове абавязковага падаваньня ўсімі вытворцамі паслугаў у АІС «Разьлік» інфармацыі на гэтых мовах. Але «НКФА «АРІП» ня мае прававых падставаў абавязаць вытворцаў гэта рабіць.

Гэта можна ахарактарызаваць як узаконеную практыку дыскрымінацыі грамадзянаў паводле моўнай прыкметы, адзначаюць аўтары пэтыцыі.

NN.by

Хочешь поделиться важной информацией
анонимно и конфиденциально?

Клас
Панылы сорам
Ха-ха
Ого
Сумна
Абуральна
Чтобы оставить комментарий, пожалуйста, включите JavaScript в настройках вашего браузера
Чтобы воспользоваться календарем, пожалуйста, включите JavaScript в настройках вашего браузера