Антон Рудак. «Ім даўно не патрэбны ніякі старонні прымус…»
ім даўно не патрэбны ніякі старонні прымус
іхняй мараю стала наяўнасць гарэлкі з закускай
і таму калі яны кажуць пра белую русь
то яна ў іх толькі для белых і толькі для рускіх
з іх ніхто не бывае ў касцёле ані ў царкве
ані ў зборы ані ў сінагозе альбо мячэце
і калі яны кажуць што тутака бог жыве
гэта каб не задумвацца пра другое прышэсце
дзе любы краявід не ўявіць без гранітных пліт
так што ўжо краявіды гэтыя ненавідзіш
тут калі яны кажуць нібыта никто не забыт
то ніхто з іх не можа прамовіць гэта на ідыш
не баяцца яны ні бога ані сатаны
ім не ўказ ані дзед-барадзед ані паца-ваца
і калі яны кажуць абы не было вайны
гэта значыць што будзе вайна але трэба здацца
0
0
0
0
0
0
По-белорусски выходят бразильские народные сказки
 1
Комментарии
Чтобы оставить комментарий, пожалуйста, включите JavaScript в настройках вашего браузера
На ВНС кто-то проголосовал против Лукашенко
 10
За первые три месяца 2024 года в Беларуси задержали почти тысячу человек. И это только те, о ком известно
 1
Чтобы воспользоваться календарем, пожалуйста, включите JavaScript в настройках вашего браузера