Написать новость
Найти
12.06.2019 / 15:09 4

Белорусская поэтесса Татьяна Зиненко: короткая жизнь, горькая лирика

Увеличить изображение

Нарэшце атрымаў кніжку «выклятай» паэткі Таццяны Зіненка (1960—2011) «Гарчэйшае пітво», піша ў сваім фэйсбуку Леанід Галубовіч. «Як на маё ўспрыманне, адна з найлепшых кніг нашай жаночай паэзіі», — мяркуе ён.

Увеличить изображение

Фота ex-press.by

* * *

Мёртвыя мёртвых вядуць —
і не бачаць.
Сумныя песні пяюць — 
і не плачуць.

Божа, твая любоў 
нам не паможа.
Ты — не нашая кроў,
Божа…

Узыдзе жаданы час
над намі
і раз’яднае нас
з маскалямі.

І мы на сваёй зямлі,
на волі
будзем сабе паміраць
паволі,

каб нарадзіўся свет
новы
з нашай крыві
і мовы.

Мёртвыя мёртвых вядуць —
і не бачаць.
Сумныя песні пяюць — 
і не плачуць…

ГАРЧЭЙШАЕ ПІТВО

Анатолю Сысу

Толькі табе пазайздрошчу,
толькі табе не зманю…
Нас пакараюць на плошчы,
нам пашкадуюць агню.

Мы, што ніколі з табою,
не абняліся ў жыцці,
будзем сцяблінай адною
разам да сонца расці,

Покуль зялёная крона
лісце на дол не страсе.
Нас пакараюць бяскроўна:
ветліва і пакрысе.

Мы не народжаны доўга
жыць і жыццё разумець.
нам абяруць, як нябогам,
самую лёгкую смерць.

І, парынаючы ў Лету,
мы не згадаем зямлю,
дзе паміраюць Паэты,
перш чым пачуюць: «Люблю…»

1998

NN.by

1
Pavieł Hančar / ответить
13.06.2019 / 11:22
Другі верш. Як крута.
0
Кажыма праўду / ответить
14.06.2019 / 13:08
Сайт памяці беларускай паэткі Зіненка Таццяны Васільеўны
Публікацыя ў часопісе Дзеяслоў №70 (2014)

Успаміны паэткі Валянціны Леві:
У Барысаве ўсе ведаюць, што Таня была вельмі адораная паэтка, вельмі стрыманая і прыгожая жанчына. Я яе ведаю з таго часу, калі ёй было год 25. Мы разам хадзілі на пасяджэнні літаб’яднання, ездзілі ў Мінск на тэлебачанне, выязджалі на агеньчыкі. Яна не пісала вялікіх твораў, але яе кароткія вершы на беларускай мове былі асаблівыя. У іх была кульмінацыйная думка, і парою было досыць аднаго радка, каб зразумець глыбіню яе пачуццяў. Напрыклад, вось як яна прызнаецца ў каханні блізкаму чалавеку: «Я аб табе заплачу і ў труне».
Але здарылася бяда, якая напаткала шматлікіх таленавітых людзей на абшарах СНД. Як на жыццёвым шляху Таццяна раптам прывязалася да спіртнога, невядома. І з­за гэтага рана пайшла ад нас. Калі аднойчы сустрэла яе на Новабарысаўскім рынку, дзе яна падзарабляла, я спытала: «Таня, можа, варта пашукаць дарогу назад?». Яна запярэчыла: «Валянціначка Абрамаўна, ты не ведаеш, якая гэта залежнасць». Калі яна лячылася ў ПНД, я спрабавала закадзіраваць яе за ўласныя грошы, але каб гэта было ананімна. Медсястра адказала, што пацыентка сама не жадае гэтага.
Каб адцягнуць яе ад алкаголю, я прасіла напісаць новыя вершы, але Таццяна запэўніла: «Я ўжо не на той сцежцы». У гэтым і крыецца сіла алкагольнай залежнасці. Шкада жанчыну, але, з іншага боку, такога жыцця, якое было ў Таццяны, я не жадаю нікому.
0
Palina / ответить
14.06.2019 / 22:09
Першы разгона на Дзяды быў у 1988 годзе, а ў 1989 годзе на Дзяды ўсталявалі Крыж пакуты ў Курапатах, і разгону не было 
Показать все комментарии
Чтобы оставить комментарий, пожалуйста, включите JavaScript в настройках вашего браузера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Чтобы воспользоваться календарем, пожалуйста, включите JavaScript в настройках вашего браузера
2018 2019 2020
ПН ВТ СР ЧТ ПТ СБ ВС
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31