Найти
26.02.2019 / 17:55РусŁacБел

Группа «Гарадскі Вал» выпустила альбом на стихи Антона Рудака АУДИО

Свежы запіс быў аформлены пафаснай вокладкай, якая спекулюе на іканаграфіі арханёла Міхала і адштурхоўвае блякла-таматнымі кравападцёкамі на дыску (дызайнеры Андрэй Лары, Вера Малышка, друкарня N). Альбом, як і належыць такому музычна-паэтычнаму ўкладанню, трапіў найперш у продаж у кнігарню «Логвінаў».

Апроч таго, зорны пыл песень быў рассеяны па ўсім свеце: альбом з'явіўся ў інтэрнэце ў асноўных музычных сэрвісах.

Калабарацыя Рамана Абрамчука («Гарадскі Вал») і паэта Антона Рудака пачалася яшчэ ў 2013 падчас навучання абодвух у Школе маладога літаратара, арганізаванай Саюзам беларускіх пісьменнікаў.

11 песень апавядаюць пра кампанію менскіх адмарозкаў, якія, сустрэўшы сабаку Элвіса, абвяшчаюць вайну — не, не аўтазакам і зомбі, а галоўнай Пачвары мікрараёна і сусвету — Смерці. Цяжкой была не столькі барацьба, колькі шлях да яе - праз начную Серабранку, электрычкі маладзечанскага напрамку, маладыя ліцэйскія гады з чэргамі ў д’юці-фры, літры джына з джынджэрсам, раскопы курапацкіх ямінаў, фанацкія выезды на матчы… У выніку на бойку спазніліся. А Элвіс перамог. І ў фінале — яго пераможны танец з вясной на сталічным праспекце.

Кожны са слухачоў запрошаны ў карагод! І кожны запрошаны на прэзентацыю альбома 3 сакавіка ў кавярні «Грай», бо ўваход — вольны.

У касмічную трубу перамогі, разам з Элвісам, дзьмулі: Аляксандр Карабань (бас-гітара, кантрабас), Ігар Адасік (перкусія), Цімур Рэйзіс (сінтэзатар), Раман Абрамчук (аўтар музыкі, вакал, гітара), Віктар Сямашка (флейта, кларнет), Раман Яраш (труба), напалову няісны Фрыд (саксафон), Аляксей Святловіч (гітара), Дзяніс Жураўлёў aka Груша (біт-бокс), Уладзімір Пыльчанка (акардэон). Тралейбусныя шумы ў 6-м трэку віртуозна былі выкананы хорам тралейбусаў імя Л.Карастаянавай. Спіс студый і гукарэжысёраў, якія зрабілі даволі прыстойны гук з даволі няўдзячнай месцамі сыравіны — не дачытае да канца ніхто, а цікаўны знойдзе яго на вокладцы рэліза. Заводзьце кружэлку і танчыце, бо танцы перамагаюць смерць!

Усё пра канцэрт-прэзентацыю 3 сакавіка — у суполках ВК і ФБ

Клас
Панылы сорам
Ха-ха
Ого
Сумна
Абуральна
Чтобы оставить комментарий, пожалуйста, включите JavaScript в настройках вашего браузера
Чтобы воспользоваться календарем, пожалуйста, включите JavaScript в настройках вашего браузера