«Товарищ Карпенко, а известно ли Вам, с чего любимые Вами финны начинали?» Ответ астронома Малыщица министру образования собрал сотни откликов
66 репостов в одном только фейсбуке, сотни лайков и откликов — люди массово обсуждают реплику преподавателя астрономии и популярного фотографа Виктора Малыщица об очередных реформах в образовании. Предлагаем его и вашему вниманию.
Министр образования Игорь Карпенко — уроженец Сибири, лидер Компартии Беларуси. Фото Sputnik.by.
Прачытаў сёння, што наш міністр адукацыі Карпенка «фанацее ад фінскай і эстонскай мадэлі». Ага, праходзілі мы ўжо гэта. У нас тут многія фанацеюць ад розных заходніх мадэляў. Толькі неяк па-свойму фанацеюць. Напрыклад, з сістэмы ЖКГ нам трэба пераняць толькі 100% аплату паслуг, з медыцынскай сферы — толькі платную медыцыну, а з «фінскай мадэлі» — толькі ліквідацыю гімназій.
Таварыш Карпенка, а ці вядома Вам, з чаго горача любімыя Вамі фіны пачыналі? З гіганцкіх укладанняў у абсталяванне школ, з рэзкага павышэння заробкаў настаўнікаў, з перападрыхтоўкі ўжо працуючага персаналу.
Цяпер у Фінляндыі сапраўды няма сэнсу шукаць лепшае месца для дзіцяці — у любой школе краіны можна атрымаць якасную адукацыю ад сапраўдных прафесіяналаў гэтай справы.
Перад тым, як праводзіць сваю геніяльную рэформу, Вы, напэўна, сур’ёзна ўклаліся ў аснашчэнне школ? Не, у многіх з іх доследы па фізіцы і хіміі паказваюць з Ютуба, бо няма ні абсталявання, ні рэактываў. А рамонты і закупка асноўных рэчаў увогуле адбываюцца за грошы бацькоў.
Можа, Вы неяк паспелі павысіць кваліфікацыю настаўнікаў, таму цяпер у кожнай школе будзе выкладанне на найвышэйшым узроўні? Ды не. Я сам настаўнік, і па маім прадмеце (астраномія) мне хопіць пальцаў рук, каб пералічыць настаўнікаў Мінска, якія ведаюць свой прадмет хоць крыху глыбей школьнай праграмы. З іншымі, больш папулярнымі, прадметамі сітуацыя лепш, але ненашмат. Ах, дык Вы, напэўна, паднялі заробкі разоў у 5, і ў бліжэйшы час таленавітыя настаўнікі самі набягуць запоўняць усе школы да апошняй? Канешне, не —
цяпер малады спецыяліст без рэгалій, які працуе на стаўку, атрымлівае рублёў 300-400. З такім заробкам Вы не набераце настаўнікаў-прафесіяналаў на ўсе школы Беларусі.
Добра, можа Вы вырашылі пачаць хаця б з малога?
Адмянілі прымусовую падпіску на дзяржаўную прэсу? Перасталі адпраўляць дзяцей з урокаў на ўборку ўраджая?
Перасталі навешваць на настаўнікаў не іхнія абавязкі? Ага, скажаце Вы, хрэн вам, а не адмену гэтай бздуры.
Гэта ў нас такая фінская мадэль. Не забудзьцеся толькі падпісаць школу на «Коммуніст Беларусі» і іншыя саўбелкі.
Хутка 7 лістапада. Вазьміце ўсіх сваіх «Коммуністаў Беларусі», прыкарытных лазуткіных і лабызніце свайго лысага істукана на плошчы ля міністэрства. Па-мойму, гэта адзінае, што добра ўмеюць камуністы. А вырашаць праблемы адукацыі дазвольце тым, хто іх умее бачыць. Запытайцеся хаця б у тых самых фінаў, як гэта зрабіць.
