«Dyktatar» pa-biełarusku — 18 lutaha

18 lutaha, a 14-j hadzinie ŭ halerei «Ŭ» adbudziecca prezientacyja knižki Ulfa Starka «Dyktatar» (papiarovaje + elektronnaje vydańnie) dla maleńkich čytačoŭ, ich baćkoŭ i ŭsich zacikaŭlenych, a taksama aŭtohraf- siesija aŭtara. Viadoŭca imprezy — Andrej Chadanovič. Pry ŭdziele Viktara Šałkieviča.

Pierad prezientacyjaj, a 13-j hadzinie ŭ kniharni «łohvinaŬ» (Niezaležnaści, 37a) projdzie pres-kanfierencyja z udziełam aŭtara.

Kniha «Dyktatar» raspaviadaje pra małoha chłopčyka, jaki ŭpeŭnieny, što śviet krucicca vakoł jaho.

Kniha vyjšła ŭ śviet bahata ilustravanaja viadomaj finskaj afarmlalnicaj Lindaj Vandestam. Biełaruskuju viersiju knihi stvaryli pierakładčycy Nasta Łabada i Volha Ryzmakova.

Ulf Stark (Ulf Stark) Adzin z samych viadomych jeŭrapiejskich dziciačych piśmieńnikaŭ. Naradziŭsia ŭ 1944 hodzie ŭ Stakholmie. Debiutavaŭ jak aŭtar knih dla darosłych. Z 1984 hoda vyrašyŭ całkam pryśviacić siabie dziciačaj litaratury. Łaŭreat prestyžnaj premii Andersana. Piša viasiołyja i mudryja knihi, ad fentezi da dziciačych vieršaŭ.

Elektronnaja kniha Ulfa Starka «Dyktatar» vyjšła ŭ vydaviectvie BYBOOKS. Jaje stvaralniki padazrajuć, što heta druhaja ŭ śviecie elektronnaja kniha pa-biełarusku dla dziaciej, dastupnaja dla Apple iPad / iPhone / iPod. Pieršaja — pierakład knihi šviedskich aŭtaraŭ Jui i Tumasa Visłanderaŭ «Mama Mu buduje damok» — taksama apublikavanaja ŭ hetym vydaviectvie.

tio.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH