Niazručny kandydat Lipkovič
Skandalny błohier idzie ŭ deputaty.
Epatažny błohier Jaŭhien Lipkovič idzie ŭ deputaty. Vybary deputataŭ u miascovyja saviety adbuducca praz dva miesiacy — 25 krasavika.
I kali adzin z mandataŭ budzie vydadzieny na proźvišča «Lipkovič», to sumavać Minharsavietu dakładna nie daviadziecca.A ŭ Lipkoviča ŭžo jość dośvied palityčnych pieramohaŭ: zmahajučysia dva hady tamu za viartańnie dyjetyčnaha kiefiru na palicy kramaŭ, jon dajšoŭ ažno da vice-premjera Ivana Bambizy. Hałoŭnaja meta jaho sioletniaj palityčnaj kampanii — zachavać Sievastopalski park u Minsku ad mahčymaha źniščeńnia.
Zdymačnaja hrupa sajtu NN praviała adzin dzień z kandydatam u deputaty. Zadača kamandy Lipkoviča — sabrać 150 podpisaŭ vybarcaŭ, kab atrymać dazvoł na ŭdzieł u vybarach. A dzie źbirać podpisy, jak nie ŭ studenckich internatach? Bałazie, u akruzie, pa jakoj źbirajecca bałatavacca Lipkovič, raźmieščany ceły kompleks internataŭ Biełaruskaha dziaržaŭnaha ahrarnaha techničnaha ŭniviersiteta. Cymus u tym, što Mikałaj Kazaroviec, rektar BDATU, sam źbirajecca vystavić svaju kandydaturu na miascovych vybarach. Atrymlivajecca, jany ź Lipkovičam – kankurenty.
I voś Lipkovič biez papiaredžańnia kirujecca ŭ internat BDATU, kab sabrać podpisy siarod studentaŭ. Što z hetaha atrymajecca?
Styl pavodzinaŭ Jaŭhiena Lipkoviča ciažka pieradać słovami, tamu — hladzicie videa:
