Ministr abarony ZŠA raskrytykavaŭ udary Ukrainy pa rasijskich NPZ
Łojd Ościn zaklikaŭ Ukrainu zasiarodzicca na vajennych celach.
Łojd Ościn. Fota: Michael Probst / AP
Ataki Ukrainy na naftapierapracoŭčyja zavody ŭ Rasii mohuć paŭpłyvać na hłabalnyja enerhietyčnyja rynki. Pra heta kiraŭnik Pientahona Łojd Ościn zajaviŭ na pasiadžeńni Kamiteta Sienata ZŠA pa ŭzbrojenych siłach, piša «Ukrainskaja praŭda».
Ościn zaklikaŭ Ukrainu zasiarodzicca na vajskovych celach.
«Takija ataki mohuć upłyvać na hłabalnuju enierhietyčnuju situacyju. Ukrainie lepš źniščać taktyčnyja i apieratyŭnyja celi, jakija mohuć paŭpłyvać niepasredna na boj», — skazaŭ Ościn.
Akramia hetaha, Ościn zaklikaŭ Kanhres uchvalić dadatkovuju vajskovuju dapamohu Ukrainie i padkreśliŭ, što takaja dapamoha budzie spryjać taksama pavieličeńniu abaronnaj vytvorčaści ŭ samich Złučanych Štatach, hetyja hrošy buduć spryjać pracy abaronnaj pramysłovaści.
Bloomberg piša, što kamientary Ościna adrazu asudziŭ sienatar-respublikaniec Cim Kotan, jaki abvinavaciŭ Bieły dom u pieraškodzie efiektyŭnym dziejańniam Ukrainy z-za palityčnych mierkavańniaŭ: «Dumaju, što administracyja Bajdena nie choča, kab ceny na haz pavyšalisia ŭ hod vybaraŭ».
Čytajcie taksama:
Rasija z-za sankcyj nie spraŭlajecca ramantavać NPZ, paškodžanyja Ukrainaj
«Pračniciesia, nichto vas nie abaronić». Kiraŭnik Tatarstana nie vieryć u mahčymaści rasijskaj SPA
Ukraina zmoža atakavać Urał i Zapalarje. Drony ŭžo na padychodzie
