U Rasii zatrymali dysidenta, jakoha Pucin pieraśledavaŭ jašče ŭ SSSR

Alaksandr Skobaŭ. Fota: Miedyjazona

66-hadovy dysident byŭ zatrymany 2 krasavika doma ŭ svajho siabra. Nahodaj staŭ adzin z pastoŭ Skobava pra padryŭ Krymskaha mosta. Pry hetym advakatu nie ŭdałosia daviedacca, jakoje mienavita paviedamleńnie vyklikała cikavaść u siłavikoŭ. Kalininski rajonny sud Sankt-Pieciarburha aryštavaŭ dysidenta da 1 červienia. Padčas pasiadžeńnia mužčyna prakryčaŭ «Svabodu Ukrainie!» i admoviŭsia adkazvać na pytańni suda.

Alaksandr Skobaŭ pieraśledavaŭsia ŭładami za palityku jašče ŭ SSSR. Jaho dvojčy aryštoŭvali za «antysavieckuju ahitacyju». Ciapier vyśvietliłasia, što spravami, fihurantam jakich byŭ Skobaŭ, zajmaŭsia ŭ tym liku supracoŭnik KDB Uładzimir Pucin — budučy prezident Rasii. Pra heta raskazaŭ člen rady «Miemaryjała» Alaksandr Čarkasaŭ, jahonyja słovy paćvierdzili inšyja dysidenty, paviedamlaje «Ahientstvo».

U 1978 hodzie Skobava aryštavali za ŭdzieł u arhanizacyi «Levaja apazicyja» i vypusk časopisa «Pierśpiektivy» samvydatam. Pa toj ža spravie prachodzili dysidenty Andrej Reźnikaŭ i Arkadź Curkoŭ. Skobaŭ pravioŭ paŭhoda ŭ śledčaj turmie KDB, a zatym jaho na try hady adpravili ŭ psichijatryčnuju lakarniu.

Spravu suprać dysidentaŭ viało Piataje ŭpraŭleńnie KDB, jakoje adkazvała za baraćbu z «ideałahičnymi dyviersijami». Mienavita ŭ toj čas va ŭpraŭleńni pracavaŭ Pucin. U jahonaj aficyjnaj bijahrafii hety fakt nie paznačany. Adnak viadoma, što ŭ 1976 hodzie Pucin udzielničaŭ u pieratrusie pa spravie ab antysavieckim nadpisie na ścianie Pietrapaŭłaŭskaj krepaści. U 1978 hodzie budučy rasijski prezident udzielničaŭ u zatrymańni Andreja Reźnikava — pra heta ŭspaminaŭ sam dysident.

Pratakoł pieratrusu z proźviščam Pucina. Fota: Ahientstvo

U 1981 hodzie Skobaŭ vyjšaŭ ź psichijatryčnaj lakarni i zaniaŭsia stvareńniem niezaležnaha prafsajuza. U śniežni 1982-ha jaho znoŭ zatrymali. Niezadoŭha da hetaha Alaksandr adśviatkavaŭ dzień naradžeńnia, u hości pryjšli mnohija dysidenty. Skobaŭ uspaminaŭ, što źniešniaje nazirańnie za śviatkavańniem rabiŭ Uładzimir Pucin.

Čytajcie taksama:

Hihin: Hienijuš nikomu nie zdradziła, ale reabilitavać nielha. A Bykava pryniać jak častku miaciežnaj intelihiencyi

Pamior znany ŭkrainski dysident i pravaabaronca Stepan Chmara

Jany viernucca! Jak vyhnańniki ŭznačalili palityku postkamunistyčnaj Jeŭropy

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

3

3

3

2

1

28