Na muzykaŭ Nizkiz zaviali kryminałku. Jany na Vaładarcy
Muzykaŭ hurta Nizkiz Alaksandra Iljina, Siarhieja Kulšu i Źmitra Chalaŭkina pieraviali ŭ śledčy izalatar u Minsk, daviedaŭsia Mayday team.
Pieravod u SIZA aznačaje, što na muzykaŭ zaviali kryminalnyja spravy. Jakija mienavita «złačynstvy» staviać u vinu ŭdzielnikam hurta, na hety momant nieviadoma.
Pra zatrymańnie traich udzielnikaŭ hurta Nizkiz stała viadoma 6 studzienia. U Mahilovie byli zatrymanyja vakalist i aŭtar piesień Alaksandr Iljin, bas-hitaryst Siarhiej Kulša i bubnač Źmicier Chalaŭkin. Paźniej usich traich abvinavacili ŭ «raspaŭsiudzie, vyrabie, zachoŭvańni, pieravozcy infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść» (č. 2 art. 19.11 KaAP) i pryznačyli administracyjnyja aryšty.
Čytajcie taksama:
HUBAZiK vykłaŭ videa z muzykami Nizkiz, pahražajuć piaćciu hadami
Lavon Volski: Ja vydatna razumieju chłopcaŭ z Nizkiz, bo žyŭ takim žyćciom nie adzin hod
