U centry Minska prapanujecca vielmi dziŭnaja kvatera. Tam adzin unitaz prosta na kuchni, druhi — u šafie

Na došcy abjaŭ ab zdačy nieruchomaści ŭ Minsku jość unikalnaja prapanova. Zdajecca adnapakajovaja kvatera ź dźviuma prybiralniami. Pryčym adzin unitaz znachodzicca prosta na kuchni, pobač ź plitoj, a druhi — u šafie, piša Blizko.by.

Kvatera raźmieščana niedaloka ad płoščy Pieramohi pa adrasie vulica Płatonava, 3. Taki adras ukazany tekstam, i hety ž dom paznačany na karcie. Adnak dakładna viadoma, što heta nie žyły dom, a budynak haspadarčaha albo vytvorčaha pryznačeńnia.

Taksama paznačana, što heta cahlany 5-paviarchovy dom, ale ŭ tym rajonie takich niama zusim. Najbližejšaja žyłaja cahlanaja piacipaviarchoŭka na Płatonava — heta damy 31 i 33, bližejšyja da vulicy Hikała. Tak što adras u abjavie niapravilny.

Adnapakajoŭka na trecim paviersie ahulnaj płoščaj 33,6 kvadratnaha mietra maje žyłuju płošču 18,9 kv. m i kuchniu płoščaj 6 kv. m.

Zrešty, tut pytańnie, što ličyć kuchniaj: toje pamiaškańnie, dzie staić plita, a pobač ź joj — umantavany ŭ padłohu ŭnitaz, ci toje pamiaškańnie, dzie rakavina i hryl-pieč, a pobač — šafa, praź jakuju adkryvajecca dostup da jašče adnoj prybiralni.

Miarkujučy sa zdymkaŭ, abiedźvie prybiralni asnaščany davoli śviežaj santechnikaj z sučasnymi padvodkami i, mabyć, abiedźvie ž vykarystoŭvajucca. Sanvuzieł, jak skazana ŭ abjavie, raździelny.

U kvatery vielmi šmat dyvanoŭ, i navat bałkon ababity dyvanami, u tym liku kufar dla zachoŭvańnia bulby.

Choć kvatera znachodzicca na 3-m paviersie, z boku pakoja na voknach stajać kraty.

Adznačajecca, što ŭ kvatery vykanany kaśmietyčny ramont i jość Wi-Fi.

Kvateru achvotna zdaduć studentam, siamiejnym param, rabočym, žycharam z žyviołami za 681 rubiel u miesiac (abo prykładna 215 dalaraŭ).

Čytajcie taksama:

U Minsku ŭ elitnym domie pradajecca kvatera na dachu. Jak u Karłsana, tolki ŭ razy bolšaja

Biez vady, ź piečkaj i tualetam na vulicy. Pahladzicie, jak žyvuć u starych kvaterach Maładziečna

U Minsku pradajuć idealnuju kvateru dla fanataŭ šachmat 

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

4

41

28

4

0

6