Tavary dla biełarusaŭ na Ozon i Wildberries abkłali dvajnym padatkam
Dyrektar Ozon pa apieracyjach i raźvićci ŭ SND Alaksiej Sapon 21 vieraśnia na forumie ŭ Minsku paviedamiŭ, što tavary, jakija pradajucca na bujnych rasijskich placoŭkach Ozon i Wildberries, dvojčy abkładajucca padatkam na dabaŭlenuju vartaść pry prodažy ŭ Biełarusi.
Ciapier tavary, jakija pradajucca na takich markietpłejsach, jak Ozon i Wildberries, u Biełarusi abkładajucca padatkam na dabaŭlenuju vartaść dvojčy. Pra heta raspaviadaje vydańnie «Biełarusy i rynak».
Pavodle słoŭ Alaksieja Sałona, hetaja prablema pa-raniejšamu aktualnaja, i jaje abmierkavańnie adbyvajecca nie tolki na łakalnym uzroŭni, ale i sumiesna ź Jeŭrazijskaj ekanamičnaj kamisijaj.
Adnak na jakim etapie znachodzicca rašeńnie hetaha pytańnia, pradstaŭnik Ozon adkazać nie moža.
Jak nahadvaje Myfin.by, raniej pravodziłasia sustreča pradstaŭnika Ozon ź ministram antymanapolnaha rehulavańnia i handlu Alaksiejem Bahdanavym. Na joj uźnimałasia tema źmien u biełaruskim zakanadaŭstvie, jakija zamacujuć status markietpłejsaŭ u Biełarusi.
Aficyjny pradstaŭnik Jeŭrazijskaj ekanamičnaj kamisii Ija Małkina zajaŭlała, što ciapier užo isnuje kanceptualna ŭchvalenaja redakcyja papravak u dahavor ab JEAES. Mahčyma, hetyja źmieny pazbaviać markietpłejsy padvojnaha padatkaabkładańnia.
Čytajcie taksama:
Wildberries znoŭ admianiŭ płatu za viartańnie tavaru, ale zamiest hetaha prydumaŭ niešta novaje
A što tyčycca finansavańnia pujła, to heta da ES i inšych, jakija nifiha nie zrazumieli jašče ŭ 2014-m i zaraz praciahvajuć kuplać haz i naftu. Voś dzie finansavańnie, a nie tavary z azona. śmiešna