Pierakładčyku z Mahilova dali siem sutak za repost z «ekstremisckaha kanała»
U Mahilovie pierakładčyka i aktyvista Tavarystva biełaruskaj movy Anatola Prasałoviča asudzili na 7 dzion administracyjnaha aryštu za repost publikacyi z łahatypam, jaki ŭniesieny ŭ śpis ekstremisckich materyjałaŭ. Jon pašyryŭ videa pra vystavu pratestavaha mastactva ŭ Tokia, paviedamlaje Radyjo Svaboda.
Fota z sacsietak Anatola Prasałoviča.
Spravu razhladała sudździa Leninskaha rajonnaha suda Taćciana Kaściuk.
Anatola Prasałoviča zatrymali 27 sakavika ŭ centry horada i da suda trymali ŭ izalatary. Na pracesie stała viadoma, što padstavaj dla źniavoleńnia aktyvista byŭ nie repost zabaronienaha videa, a inšaja administracyjnaja sprava, materyjały dla jakoj nibyta źbiraje ciapier Leninski adździeł milicyi.
Prasałovič skazaŭ na sudzie, što pašyryŭ videamateryjał, bo, jak jamu zdałosia, jon moh spadabacca znajomcam z tvorčaha asiarodździa. Pavodle aktyvista, zabaronienaha łahatypa na pačatku filma nie było, inačaj jon nie staŭ by jaho pierapoščvać, bo viedaŭ pra śpis ekstremisckich materyjałaŭ.
