Pašynian vyjšaŭ da svaich prychilnikaŭ u centry Jerevana
Premjer-ministr Armienii Nikoł Pašynian vyjšaŭ da svaich prychilnikaŭ na Płošču Respubliki ŭ centry Jerevana paśla taho, jak zajaviŭ pra sprobu armii zładzić vajskovy pieravarot.
Padčas vystupu Pašynian nazvaŭ situacyju ŭ krainie kiravanaj i zaklikaŭ usich damovicca, kab paźbiehnuć sutyknieńniaŭ. Pry hetym zaklik vajennych da rospusku ŭrada jon paličyŭ emacyjnaj reakcyjaj, piša lenta.ru.
«U Armienii — atmaśfiera braterstva, ale heta nie aznačaje, što palityčnaha dyjałohu i abmierkavańniaŭ nie budzie. U Armienii ŭ nas niama vorahaŭ. Zaklikaju da spakoju. Viadoma, abstanoŭka napružanaja, ale nam patrebnaja razmova, a nie kanfrantacyja».
Raniej 25 lutaha ŭzbrojenyja siły Armienii zapatrabavali adstaŭki Pašyniana i ŭrada krainy. Śpiecyjalnuju zajavu hienieralnaha štaba padpisała ŭsio kiraŭnictva, a taksama kamandziry bujnych voinskich złučeńniaŭ i kiraŭniki ŭsich upraŭleńniaŭ. Sam Pašynian acharaktaryzavaŭ situacyju jak sprobu vajennaha pieravarotu.
U Armienii vajskoŭcy zapatrabavali adstaŭki Pašyniana. Jon nazvaŭ heta sprobaj pieravarotu i zvolniŭ kiraŭnika Hienštaba
Kreml «z tryvohaj sočyć» za situacyjaj u Armienii
