Hienprakuratura inicyjuje abviaščeńnie Paŭła Łatuški ŭ mižnarodny vyšuk
Hienieralnaja prakuratura inicyjuje mižnarodny vyšuk Paŭła Łatuški. Adpaviedny pakiet dakumientaŭ viedamstva nakiravała ŭ Interpoł, paviedamlaje pres-słužba Hienprakuratury.
Fota Nadziei Bužan
U viedamstvie rastłumačyli, što ŭ dačynieńni da Paŭła Łatuški ŭ ramkach kryminalnaj spravy z sankcyi prakurora abranaja miera strymańnia ŭ vyhladzie zaklučeńnia pad vartu.
Jamu inkryminavana ździajśnieńnie złačynstvaŭ, praduhledžanych č. 1 art. 357 (Zmova abo inšyja dziejańni, ździejśnienyja z metaj zachopu ci ŭtrymańnia dziaržaŭnaj ułady niekanstytucyjnym šlacham), č. 1 art. 361−1, č. 3 art. 361 (Publičnyja zakliki da zachopu dziaržaŭnaj ułady z vykarystańniem srodkaŭ masavaj infarmacyi abo Internet) Kryminalnaha kodeksa Respubliki Biełaruś.
Hienieralnaja prakuratura nakiravała ŭ Nacyjanalnaje Centralnaje biuro Interpoła ŭ Biełarusi pakiet dakumientaŭ, nieabchodnych dla abviaščeńnia ŭ mižnarodny vyšuk Paŭła Łatuški.
Eks-ministr kultury i były kiraŭnik Kupałaŭskaha teatra pakinuŭ Biełaruś u kancy žniŭnia.
