Staŭbcoŭski rajon: kolkaść pnieŭmanij nie źmianšajecca, chvorych adpraŭlajuć u inšyja rajony
Pramień
U Staŭbcoŭskim rajonie zastajecca składanaj situacyja, źviazanaja z raspaŭsiudžańniem karanavirusa. Heta źjaŭlajecca sihnałam, kab kožny žychar pryniaŭ asabistyja miery prafiłaktyki infiekcyi, raspaviała miascovamu vydańniu «Pramień» hałoŭnaja doktarka centralnaj rajonnaj balnicy Śviatłana Hlebka.
— Pa rašeńni hałoŭnaha ŭpraŭleńnia achovy zdaroŭja Minabłvykankama na bazie našaj rajonnaj balnicy adkryty špital na 134 miescy. Praktyčna ŭsie adździaleńni pieraprafilavany dla hetych met, — paviedamlaje Śviatłana Ździsłavaŭna. — Kolkaść chvorych ź pnieŭmanijaj nie źmianšajecca. Tamu prašu ad žycharoŭ rajona stroha vykonvać režym samaizalacyi. Na hety čas nieabchodna adkłaści ŭsie spravy, jakija paviaduć vas u socyum. Patrebna admovicca ad siabroŭsich sustreč, paciskańnia ruk, abdymkaŭ — adnym słovam, vyklučyć usie kantakty.
«Zastajecca aktualnym zachavańnie asabistaj hihijeny: myćcio ruk, našeńnie paviazak i masak, palčatak u hramadskich miescach. Archivažna zachoŭvać dystancyju adzin ad adnaho. My ŭsie pavinny zrazumieć, što biezadkaznaść adnaho čałavieka moža stać pryčynaj dla raspaŭsiudžańnia infiekcyi. U hety čas nie pavinna być paniki, vymysłaŭ. Nie źbirajcie infarmacyju adzin ad adnaho, na vulicy. Usich chvorych pakul jość mahčymaść špitalizavać. Nam dapamahajuć inšyja rajony ŭ raźmiaščeńni chvorych. Kožny pavinien uśviadomić, što jość słužby, u tym liku i miedycynskija, jakija zmahajucca z pandemijaj uščylnuju. Vaša asabistaja adkaznaść dapamoža ŭ hetaj spravie. Padumajcie ŭ pieršuju čarhu pra siabie, pra svaju siamju i zachavajcie miery pieraściarohi, jakija pradpisvajucca dla kožnaha biez vyklučeńnia», — dadała jana.
