Krynicy: Zatrymanyja dyrektary ŭsich čatyroch cukrovych zavodaŭ Biełarusi
Zahadkavaja historyja pra samalot Minsk — Miunchien, jaki pasadzili ŭ Hrodnie, nabiraje novyja abaroty.
Nahadajem, supracoŭniki Haradziejskaha cukrovaha kambinata paćvierdzili Tut.by, što z rejsa źniali ich dyrektara Michaiła Kryštapoviča.
Michaił Kryštapovič. Fotazdymak: ctv.by
Pasažyry samalota kazali, što ŭ sałonie nibyta ahučvałasia proźvišča «Rudnik». Adnak, jak vyjaviłasia, havorka išła pra Prudnika.
Mikałaj Prudnik — dyrektar Słuckaha cukrarafinadnaha kambinata. Krynicy SlutskGorod paviedamili pra jaho zatrymańnie.
Vidavočcy raspaviali žurnalistam, što ŭ domie dyrektara zavoda ŭ subotu prajšoŭ pieratrus. Mabilny telefon Prudnika siońnia niedastupny, na pradpryjemstvie adkazvajuć: ab zatrymańni kiraŭnika ničoha nie viadoma.
Padobnaja situacyja i ź jašče adnym cukrovym zavodam, u Žabincy. «Virtualny Brest» paviedamiŭ pra zatrymańnie jaho dyrektara Viktara Mironava.
Błohier Niechta śćviardžaje, što zatrymany i dyrektar čaćviortaha, Skidzielskaha kambinata. U pryjomnaj pradpryjemstva karespandentu «Našaj Nivy» paviedamili, što Dźmitryja Jahorava na pracy niama.
Dźmitryj Jahoraŭ.
