Pijarščyca restarana «Labiažy» pakazała ŭsiamu internetu, jak nie treba pisać dopisy ŭ instahramie
Zadača pijarščykaŭ — pryciahvać uvahu da svaich klijentaŭ i stvarać im pazityŭny imidž. U kiraŭnicy pijar-słužby restarana «Labiažy» Viktoryi Maroz pieršaje atrymlivajecca, ale z druhoj misijaj — katastrofa.
Viktoryja Maroz, fota Relax.by
Da restarana mnohija internaŭty staviacca z pahardaj, jak i da «Pajedziem pajadzim» u Kurapatach. Reč u tym, što «Labiažy» źjaviŭsia na miescy ptušynaha zakaźnika. Jaho budaŭnictva ŭzakonili zadniaj dataj praz ukaz Alaksandra Łukašenki. A paśla kiraŭnik krainy jašče i pryjazdžaŭ na adkryćcio restarana dla «svaich».
Viktoryja Maroz paličyła ŭdałym žartam apublikavać u jakaści zaprašeńnia na adkryćcio restarana voś taki zdymak dziuby kački z podpisam «chto tam za ptušak pieražyvaŭ, a?»
Vyśvietliłasia, što heta zdymak z restarana ŭ Kapienhahienie, adnak šał kamientataraŭ było nie spynić.
Internaŭty pisali Viktoryi tak šmat brydkaściaŭ, što jana zakryła svaju staronku.
