Śledstva miarkuje: nad zabojstvam Šaramieta pracavała cełaja hrupa
Pa viersii pravaachoŭnikaŭ, na asnovie praviedzienych ekśpiertyz, zakładvała vybuchoŭku pad aŭto Paŭła Šaramieta — vałancior i dziciačy chirurh Julija Kuźmienka, a dapamahaŭ joj — udzielnik bajavych dziejańniaŭ Andrej Antonienka, paviedamlaje «Ukrajinśka pravda».
Dla ekśpiertyzy byŭ pryciahnuty adzin z najlepšych śpiecyjalistaŭ ź Vialikabrytanii, jakoha zavuć Ajvan Birč.
Vysnovy ekśpiertaŭ taksama paćviardžajuć trafik mabilnych telefonaŭ Kuźmienka i Antonienki. U pryvatnaści, telefon Antonienki ad 23.24 (19.07.2016) da 07.23 (20.07.16) — vyklučany. Kuźmienka ad 19.36 19 lipienia 2016 pa 09.20 20 lipienia telefonam nie karystałasia, što dla jaje zusim niecharakterna.
Akramia taho, Antonienka pražyvaje niedaloka ad miesca ździajśnieńnia złačynstva. Jon kulhaŭ paśla apieracyi, što zaŭvažyli ekśpierty.
Palicyja paviedamlaje, što fihuranty źnikali z pola zroku kamier nazirańnia kala miesca pražyvańnia Antonienki.