8 śniežnia pačnuć chadzić novyja chutkasnyja dyzieli Viciebsk — Minsk
Try novyja mižrehijanalnyja linii biźnies-kłasa źviažuć Minsk i Viciebsk, na ich staviać sastavy vytvorčaści polskaha kancerna Pesa, piša tut.by.
Samy chutki rejs pamiž Viciebskam i Minskam budzie doŭžycca roŭna 3 hadziny, dva inšyja — 3 hadziny 13 chvilin i 3 hadziny 16 chvilin.
Padčas samych chutkich rejsaŭ 703B / 704B ciahnik budzie iści pamiž Viciebskam i Minskam biez prypynkaŭ. A na astatnich sastaŭ budzie spyniacca na stancyjach Bahušeŭskaja, Orša-Centralnaja, Tałačyn i Barysaŭ.
Kursiravać ciahniki buduć try razy na sutki ŭ abodvuch napramkach.
№ 703B / 704B (praz Oršu)
Viciebsk - 6.33 - Minsk - 9.33
Minsk - 15.15 - Viciebsk - 18.16.
№ 711B / 712B (praz Oršu)
Viciebsk - 19.08 - Minsk - 22.21
Minsk - 6.45 - Viciebsk - 10.09
№ 713B / 714B (praz Oršu)
Viciebsk - 15.57 - Minsk - 19.13.
Minsk - 19.52 - Viciebsk - 23.08.
Novyja dyziel-ciahniki składajucca z šaści vahonaŭ, jany zdolnyja źmiaścić 290 pasažyraŭ. U ich majecca 272 miescy druhoha kłasa i 18 miescaŭ pieršaha kłasa (u vahonie № 2).
Kvitok na miesca druhoha kłasa abydziecca ŭ 13,86 rubla, na miescy pieršaha kłasa - 19,2 rubla.
U vahonach buduć kandycyjaniery i internet.
