Mužčynu, jaki napaŭ na aktyvistku «śvincovaj varty» ŭ Breście, aštrafavali
U sudzie Bresckaha rajona 10 kastryčnika prajšoŭ praces nad Alaksandram Aŭtuchovičam, jaki dniom 14 žniŭnia kala prachadnoj akumulatarnaha zavoda napaŭ na aktyvistku Maryju Hałaluk, piša Bresckaja hazieta.
La akumulatarnaha zavoda ŭ Breście chulihan pabiŭ dziaŭčynu. Napadnik — biełaruskamoŭny mužčyna z «Pahoniaj»
Nahadajem, u žančyny byli dyjahnastavany zakrytaja čerapna-mazhavaja traŭma, udar miakkich tkanak levaj skronievaj vobłaści.
Maryja napisała zajavu ŭ milicyju. Dziejańni Aŭtuchoviča pravaachoŭniki kvalifikavali jak naŭmysnaje pryčynieńnie cialesnaha paškodžańnia, jakoje nie pryviało za saboj karotkačasovaha rasstrojstva zdaroŭja abo niaznačnaj straty pracazdolnaści (Artykuł 9.1 KaAP).
Sudździa Siarhiej Maručak pryznaŭ Alaksandra Aŭtuchoviča vinavatym i aštrafavaŭ jaho na 12 bazavych vieličyniaŭ (306 rubloŭ) u dachod dziaržavy (sankcyja artykuła praduhledžvaje štraf ad 10 da 30 bazavych.).
Maryja Hałaluk raspaviała, što paśla taho, jak rašeńnie suda ŭstupić u zakonnuju siłu, jana maje namier padavać pazoŭ na materyjalnuju kampiensacyju maralnaj škody.
Maryja Hałaluk źjaŭlajecca aktyvistkaj ruchu suprać budaŭnictva pad Brestam akumulatarnaha zavoda i aktyŭnaj udzielnicaj «śvincovaj varty». Z-za svajoj aktyŭnaj pazicyi pa zavodzie žančyna nie raz padviarhałasia cisku.
