U Bellingcat raspaviali, čamu Ukraina vyrašyła vyzvalić kaštoŭnaha śviedku pa spravie MH17 Cemacha
Kiraŭnictva Ukrainy mahło pahadzicca na vyzvaleńnie z-pad varty byłoha bajevika «DNR» Uładzimira Cemacha, jaki ličycca kaštoŭnym śviedkam pa spravie ab hibieli na Danbasie małajzijskaha «Boinha» rejsa MH17, z-za najaŭnaści ŭ mižnarodnaha śledstva dastatkovaj kolkaści dokazaŭ dačynieńnia Rasii da katastrofy. Pra heta telekanału «Nastojaŝieje vriemia» zajaviŭ udzielnik daśledčaj hrupy Bellingcat Chrysta Hrozieŭ.
«Mižnarodnaja śledčaja hrupa nazapasiła stolki abjektyŭnych dokazaŭ, jakija dakazvajuć dačynieńnie Rasii, što dla suda heta ničoha nie źmienić», — skazaŭ jon.
Na dumku Hrozieva, mahčymaja adsutnaść Cemacha na sudzie pa spravie ab hibieli «Boinha», jaki pryznačany na sakavik 2020 hoda, tolki pamienšyć lehitymnaść i abjektyŭnaść pracesu. Ale sam praces budzie mieć dastatkova lehitymnych dokazaŭ, kab sudździa vynies abjektyŭny prysud.
Kijeŭski apielacyjny sud 5 vieraśnia vyzvaliŭ Cemacha z-pad varty, vypuściŭšy jaho pad asabistaje abaviazacielstva.
