Viersija zatrymki abmienu pałonnymi: Rasija choča atrymać padazravanaha ŭ spravie «Boinha»
Viersija zatrymki abmienu pałonnymi pamiž Rasijaj i Ukrainaj, jakuju nazyvaje ŭ svaim fejsbuku hałoŭny redaktar ukrainskaha vydańnia Cienzor.niet Juryj Butusaŭ.
Rasija patrabuje vydačy na abmien Uładzimira Ciemacha — kamandzira roty ŭ 2014-m u Śniežnym, jaki źjaŭlajecca adnym z padazravanych u rasśledavańni hibieli «Boinha MN-17».
26 červienia Ciemacha vykrali ŭkrainskija śpiecsłužby sa Śniežnaha. Ciemach byŭ vyznačany jak važny śviedka rasśledavańnia, jaki raniej u intervju zajaŭlaŭ, što maje dačynieńnie da źniščeńnia samalota. Ciemach źjaŭlajecca adnoj z samych hałoŭnych metaŭ prakuratury Niderłandaŭ.
Mienavita žadańnie zabrać Ciemacha i sarvać rasśledavańnie prymusiła Maskvu pajści na pieramovy ab vyzvaleńni pałonnych, piša Butusaŭ.
Sudovy praces pa «Boinhu» pačniecca ŭ Niderłandach u 2020-m hodzie. Ciemach moža dać pakazańni, kali budzie vyviezieny ŭ Niderłandy i atrymaje harantyi prytułku. Kali Ukraina vyzvalaje Ciemacha, jana atrymlivaje pretenzii Niderłandaŭ, što pa vinie Kijeva sarvana klučavoje rasśledavańnie, i Ukraina dapamahaje Rasii syści ad adkaznaści.
