U Rasii baciuška traŭmavaŭ dzicia padčas chrostu
U horadzie Hatčyna Leninhradskaj vobłaści chryščeńnie adnahadovaha dziciaci ŭ Maryjenburhskaj carkvie skončyłasia skandałam. Pra heta ŭ sacyjalnaj sietcy «Ukantakcie» raspaviała adna z parafijanak carkvy.
Padčas abradu ihumien Focij hruba pavodziŭsia z małym, u vyniku čaho toj atrymaŭ traŭmy, piša RIA Naviny.
U źniatym padčas abradu chryščeńnia roliku bačna, što baciuška akunaje dzicia ŭ vadu z hałavoj, choć jano ŭžo zanadta vialikaje dla kupieli.
Maci napisała zajavu na śviatara ŭ palicyju i jeparchijalnaje ŭpraŭleńnie.
Japiskap pahladzieŭ videa, paśla čaho zabaraniŭ ihumienu Fociju ździajśniać tainstvy.
Heta adno z samych surovych dyscyplinarnych pakarańniaŭ u Pravasłaŭnaj carkvie, nie ličačy pazbaŭleńnia sanu.
Rašeńnie ab adchileńni ihumiena ad śviatarstva abumoŭlena tym, što jaho pavodziny padčas chryščeńnia «nie adpaviadajuć vobrazu śviatara».
