Archieałahičnyja pracy na mahile Viktara Kalinoŭskaha skončany. Znajšli pareštki dvuch čałaviek
Archieałahičnyja i ekśpiertnyja pracy na miescy miarkujemaj mahiły Viktara Kalinoŭskaha ŭ Śvisłačy skončany, piša Radyjo Racyja.
Pracy išli 4 dni — z 8-ha pa 11 lipienia. Kali byli vyjaŭleny pareštki dvuch čałaviek, archieołahi spynili svaju častku pracy. Paśla hetaha ź Miensku byli vyklikany dadatkovyja ekśpierty. Admysłoŭcy ŭziali frahmienty pareštkaŭ, paśla čaho raskop byŭ zasypany. Usie pracy byli pratakaliravany Śledčym kamitetam zhodna z pracesualnym zakanadaŭstvam. Jak paviedamiŭ pradstaŭnik hramadskaści Juryj Hlebik, ciapier treba čakać aficyjnych vynikaŭ ekśpiertyzaŭ, jakija buduć vieści biełaruskija i litoŭskija śpiecyjalisty. Paśla praviadzieńnia daśledavańnia frahmientaŭ na sajcie Śledčaha kamitetu pavinna źjavicca aficyjnaja infarmacyja. Niezaležna ad vynikaŭ ekśpiertyzy, praź niekalki miesiacaŭ, kali asiadzie hrunt, pomnik z kryžam i jašče adzin nadmahilny kamień z šyldaj pavinny viarnucca na raniejšaje miesca.
